കേരളമാകെ യുഡിഎഫ് തരംഗം ആഞ്ഞടിക്കുകയാണ്. എൽഡിഎഫ് വമ്പന് തിരിച്ചടി നേരിടുമ്പോൾ പത്ത് വർഷത്തിന് ശേഷമുള്ള യുഡിഎഫിന്റെ തിരിച്ചുവരവ് ആഘോഷിക്കുകയാണ് പ്രവർത്തകർ.
കേരളത്തിൽ യുഡിഎഫ് തരംഗം. വോട്ടെണ്ണൽ പുരോഗമിക്കുമ്പോള് വ്യക്തമായ ലീഡോടെ യുഡിഎഫ് ഭരണം ഉറപ്പിച്ചു. 100 ലധികം സീറ്റുകളിൽ യുഡിഎഫ് മുന്നേറുകയാണ്. 50ൽ താഴെ മാത്രമാണ് എൽഡിഎഫിന്റെ ലീഡ്. എൻഡിഎ 2 സീറ്റുകളിലും മുന്നേറുന്നുണ്ട്. എൽഡിഎഫിന്റെ കോട്ടയായ ധര്മ്മടത്ത് മുഖ്യമന്ത്രി പിണറായി വിജയനെ ആദ്യ അഞ്ച് റൗണ്ടുകളിൽ പിന്നിലാക്കി യുഡിഎഫിന്റെ അഡ്വ. വിപി അബ്ദുള് റഷീദ് വൻ മുന്നേറ്റം നടത്തി. വോട്ടെണ്ണൽ തുടങ്ങി ഏഴാം റൗണ്ടിലാണ് പിണറായി ആദ്യമായി ലീഡിലേക്ക് എത്തിയത്. പയ്യന്നൂരിൽ വി കുഞ്ഞികൃഷ്ണനും തളിപ്പറമ്പിൽ ടികെ ഗോവിന്ദനും ലീഡ് തുടരുകയാണ്. അമ്പലപ്പുഴയിൽ ജി സുധാകരനും മുന്നേറുകയാണ്. പാര്ട്ടി വിട്ട് യുഡിഎഫ് സ്വതന്ത്രരായാണ് മത്സരിക്കുന്ന ഇവരുടെ മുന്നേറ്റവും സിപിഎമ്മിന് കനത്ത തിരിച്ചടയായി.
ജയം സമ്മാനിച്ചതിന് ജനങ്ങളോട് നന്ദിപറയുന്നുവെന്നും ഓരോ പ്രവർത്തകർക്കും അഭിമാനിക്കാവുന്ന നിമിഷമാണിതെന്നും കെ സി വേണുഗോപാൽ. 10 വർഷത്തെ പോരാട്ടത്തിൽ പ്രവർത്തകർ കള്ളക്കേസും മർദ്ദനവും നേരിട്ടു. തരംഗം ഉണ്ടാകുമെന്ന് നേരത്തേ പറഞ്ഞു. 100 ലധികം സീറ്റുമായി അധികാരത്തിൽ വരുമെന്ന് ആവർത്തിച്ച് പറഞ്ഞു.
