ഡാളസ്: പ്രമുഖ മാധ്യമപ്രവർത്തകൻ സി. വി. സാമുവലിന്റെ ചെറുമക്കളുടെ പിതാവ് ഗ്രേഡി കർട്ടിസ് ലോംഗ് (47) അന്തരിച്ചു. മെയ് 11, തിങ്കളാഴ്ച പുലർച്ചെയായിരുന്നു അപ്രതീക്ഷിത അന്ത്യം.
ഗ്രേഡി ലോംഗിന്റെ വിയോഗവാർത്ത കുടുംബം അതീവ ദുഃഖത്തോടെയാണ് പങ്കുവെച്ചത്. പരേതനായ കർട്ടിസ് ലോംഗിന്റെയും ലിൻഡ ലോംഗിന്റെയും മകനാണ്. സുജ പാരീസ് ആണ് പത്നി. പ്രിയ, ജൂഡ, അശ്രിയ എന്നിവർ മക്കളാണ്. ഗ്രെഗ്, ഗ്രേയ്സൺ എന്നിവർ സഹോദരങ്ങളാണ്.
തിങ്കളാഴ്ച രാവിലെ 6:40-ഓടെയാണ് മരണവിവരം പുറത്തുവരുന്നത്. കുഞ്ഞുങ്ങളുടെ കരച്ചിലോടെ ലഭിച്ച ആ ഫോൺ കോൾ ജീവിതത്തെ തകർക്കുന്നതായിരുന്നുവെന്ന് കുടുംബം കുറിച്ചു. ആഴത്തിലുള്ള ദൈവവിശ്വാസവും ക്രിസ്തീയ പ്രത്യാശയും മുറുകെ പിടിച്ചുകൊണ്ട് ഈ തീരാനഷ്ടത്തെ അതിജീവിക്കാനുള്ള ശ്രമത്തിലാണ് കുടുംബാംഗങ്ങൾ.
ഗ്രേഡി ലോംഗിന്റെ നിര്യാണത്തിൽ വിവിധ സാമൂഹിക-മാധ്യമ രംഗത്തെ പ്രമുഖർ അനുശോചനം രേഖപ്പെടുത്തി.
