വാഷിംഗ്ടൺ ഡി.സി: അമേരിക്കയുടെ തലസ്ഥാനമായ വാഷിംഗ്ടൺ ഡി. സിയിൽ ശിവഗിരി ഫൌണ്ടേഷൻ ഓഫ് വാഷിംഗ്ടൺ ഡി.സിയുടെ (എസ്. എഫ്. ഡബ്ലിയു. ഡി. സി) വിഷു ആഘോഷം ഇക്കഴിഞ്ഞ ഏപ്രിൽ 14-)൦ തീയതി സമുചിതമായി ആഘോഷിച്ചു. കേരളത്തിലെ കാർഷികോത്സവം കൂടിയാണ് വിഷു. സംസ്‌കൃതത്തിൽ വിഷു എന്നാൽ തുല്യം എന്നാണ് അർത്ഥമാക്കുന്നത്. ഈ ദിവസം പകലും രാത്രിയും തുല്യതയോടെ വരുന്നു. മേടസംക്രമത്തിന്റെ ദിവസമായ വിഷു ഒരു കുടുംബ ഉത്സവമാണ്.
എസ്. എഫ്. ഡബ്ലിയു. ഡി. സിയുടെ ആഭിമുഖ്യത്തിൽ നടന്ന ആഘോഷം വിഷുക്കണി, വിഷു കൈനീട്ടം, കാർഷികവിത്തുകളുടെ വിതരണം, വിഷു സദ്യ എന്നിവയോടുകൂടി ആഘോഷിച്ചു. പ്രസ്‌തുത ആഘോഷത്തിൽ എസ്. എഫ്. ഡബ്ലിയു. ഡി. സി പ്രസിഡന്റ് വിഷുവിൻറെ പ്രാധാന്യത്തെക്കുറിച്ചു സംസാരിക്കുകയും തുടർന്ന് മുതിർന്ന എസ്. എഫ്. ഡബ്ലിയു. ഡി. സി അംഗങ്ങൾ വിഷുകൈനീട്ടവും, കാർഷിക വിത്തുകളുടെ വിതരണം നടത്തുകയും ചെയ്തു. അതിനു ശേഷം വിഭവസമൃദ്ധമായ വിഷു സദ്യയും നടന്നു.
വാർത്ത: മോഹൻ കുമാർ
%20%E0%B4%B5%E0%B4%BF%E0%B4%B7%E0%B5%81%20%E0%B4%86%E0%B4%98%E0%B5%8B%E0%B4%B7%E0%B4%82){kind=link}