ഉമ്മുല്‍ഖുവൈന്‍: ഇന്ത്യൻ അസോസിയേഷൻ ഉമ്മുൽഖുവൈൻ പുതിയ സമിതിയുടെ പ്രവർത്തനം ദുബൈ ഇന്ത്യൻ കോൺസുലേറ്റിലെ കോൺസൽ സുനിൽകുമാർ ഉദ്ഘാടനം ചെയ്തു. പ്രസിഡന്‍റ് മുഹമ്മദ് മൊഹിദ്ദീൻ അധ്യക്ഷത വഹിച്ചു. പ്രസിഡന്‍റ് മുഹമ്മദ് മൊഹിദ്ദീൻ, ജനറൽ സെക്രട്ടറി രാജീവ് എസ്, ട്രഷറർ അസീം അബ്ദുൽ ഖാദർ, വൈസ് പ്രസിഡന്‍റ് സജാദ് നാട്ടിക, ജോയന്റ് സെക്രട്ടറി റാഷിദ് പൊന്നാണ്ടി, ജോയന്റ് ട്രഷറർ ബിനു ബേബി, കോഓഡിനേറ്റർമാരായ സി.എം. നസീര്‍, നവാസ് ഹമീദ്കുട്ടി, ബാസിം ബഷീർ, ജോയ് രാമചന്ദ്രന്‍, ശ്രീജിത്ത്‌ കുമാര്‍, വിദ്യാധരൻ എരുത്തിനാട്, ഷനൂജ് നമ്പ്യാർ എന്നിവർ സത്യ വാചകം ചൊല്ലി സ്ഥാനമേറ്റു.
ഇഫ്‌താർ ഡ്രൈവ് ഉദ്ഘാടനം അസോസിയേഷൻ മെംബർ ഹരിദാസനിൽനിന്ന് ആദ്യ സംഭാവന സ്വീകരിച്ച് കോൺസൽ സുനിൽകുമാർ നിർവഹിച്ചു.
പൊതുപരിപാടിക്കുശേഷം സ്വർണാഞ്ജലി ടീം അവതരിപ്പിച്ച മ്യൂസിക്കൽ പ്രോഗ്രാം, ഹോളി ആഘോഷം എന്നിവ അരങ്ങേറി. ജനറൽ സെക്രട്ടറി രാജീവ് സ്വാഗതവും ജോയന്റ് സെക്രട്ടറി റാഷിദ് പൊന്നാണ്ടി നന്ദിയും പറഞ്ഞു.
