ഗൂഗിള്‍ പിക്സല് 8 സീരീസ് ഉടന്‍ വിപണിയില്‍ എത്താന്‍ ഒരുങ്ങുകയാണ്. ഫോണുകളുടെ ഡിസൈന്‍ വിവരങ്ങള്‍ പുറത്ത് വന്നിരുന്നു. കര്‍വുകള്‍ ഒഴിവാക്കിയുള്ള പരന്ന ഡിസൈന്‍ ആയിരിക്കും ഈ ഉണ്ടാവുക. പിക്സല് 8 ചെറുതും പ്രോ കുറച്ച് കൂടി വലുതുമായിരിക്കും. ക്യാമറ ഹാര്‍ഡ്വെയറില്‍ ചെറിയ മെച്ചപ്പെടുത്തലുകളുമായി എത്തിയ പിക്സല് 7 സീരീസില്‍ നിന്നും വ്യത്യസ്തമായി പിക്സല് 8, പിക്സല് 8 പ്രോ സ്മാര്‍ട്ടഫോണുകള്‍ പുതിയ ഹാര്‍ഡ്വെയര്‍ അപ്ഗ്രേഡുകളുമായിട്ടായിരിക്കും വരുന്നത് എന്ന് ആന്‍ഡ്രോയിഡ് അതോറിറ്റി റിപ്പോര്‍ട്ട് ചെയ്തു.
ഗൂഗിള്‍ പിക്സല് 8, പിക്സല് 8 പ്രോയ്ക്ക് സാംസങ് ഗാലക്‌സി എസ്23യില്‍ ഉള്ള 50 എംപി ക്യാമറ സെന്‍സറായിരിക്കും ഉണ്ടാവുക എന്നാണ് സൂചനകള്‍. 50 എംപി സാംസങ് ഐസോസെല്‍ ജിഎന്‍2 സെന്‍സറാണ് ഇത്. വലിപ്പം കൂടുതലാണ് എന്നതിനൊപ്പം മികച്ച റിസള്‍ട്ട് നല്‍കാനും ഈ ക്യാമറ സെന്‍സറിന് സാധിക്കും. വലിപ്പം കൂടുതലായതിനാല്‍ തന്നെ സാംസങ് ജിഎന്‍2 ക്യാമറ സെന്‍സറിന് 35 ശതമാനം കൂടുതല്‍ ലൈറ്റ് പിടിച്ചെടുക്കാന്‍ കഴിയും. അതുകൊണ്ട് തന്നെ വെളിച്ചം കുറഞ്ഞ അവസ്ഥയിലും മികച്ച ഫോട്ടോകള്‍ എടുക്കാന്‍ ഈ സെന്‍സറിലൂടെ സാധിക്കുന്നു. 8കെ/30എഫ്പിഎസ് വീഡിയോ ഷൂട്ട് ചെയ്യാനും ഈ ക്യാമറയിലൂടെ സാധിക്കും. സ്റ്റാഗേര്‍ഡ് എച്ച്ഡിആര്‍ എന്നിവയുള്‍പ്പെടെയുള്ള ആധുനിക ഫീച്ചറുകളും സാംസങ്ങിന്റെ ജിഎന്‍2 സെന്‍സറില്‍ സപ്പോര്‍ട്ട് ചെയ്യുന്നുണ്ട്.
പിക്സല് 8 പ്രോ സ്മാര്‍ട്ട്‌ഫോണില്‍ ഗൂഗിള്‍ പുതിയ 64 എംപി അള്‍ട്രാ വൈഡ് ക്യാമറയായിരിക്കും നല്‍കുന്നത്. ഇതിനൊപ്പം 12.2 എംപി ക്യാമറയുാം ഉണ്ടായിരിക്കും. ഈ 12.2 എംപി സെന്‍സര്‍ പിക്സല് 8 സ്മാര്‍ട്ട്‌ഫോണിലും ഉണ്ടായിരിക്കും. റിപ്പോര്‍ട്ടുകള്‍ നല്‍കുന്ന സൂചനകള്‍ അനുസരിച്ച് പിക്സല് 7 പ്രോയുടെ 12 എംപി അള്‍ട്രാ വൈഡ് ക്യാമറയ്ക്ക് പകരം ഗൂഗിള്‍ പിക്സല് 7എ സ്മാര്‍ട്ട്‌ഫോണിലുള്ള 64 എംപി സോണി ഐഎംഎക്‌സ് 787 സെന്‍സര്‍ നല്‍കാന്‍ സാധ്യതയുണ്ട്.
