മ്യൂച്വൽ ഫണ്ട് ബിസിനസ് ആരംഭിക്കുന്നതിന് സെക്യൂരിറ്റീസ് ആൻഡ് എക്‌സ്‌ചേഞ്ച് ബോർഡ് ഓഫ് ഇന്ത്യയിൽ നിന്ന് അന്തിമ രജിസ്‌ട്രേഷൻ ലഭിച്ചതായി ധനകാര്യ സേവന സ്ഥാപനമായ ബജാജ് ഫിൻസെർവ് ലിമിറ്റഡ് ബുധനാഴ്ച അറിയിച്ചു. ബജാജ് ഫിൻസെർവ് മ്യൂച്വൽ ഫണ്ട് എന്ന ബാനറിന് കീഴിലായിരിക്കും കമ്പനി ബിസിനസ്സ് നടത്തുകയെന്ന് പൂനെ ആസ്ഥാനമായുള്ള സ്ഥാപനം പ്രസ്താവനയിൽ പറഞ്ഞു.ബജാജ് ഫിൻസെർവ് മ്യൂച്വൽ ഫണ്ടിന്റെ ഇൻവെസ്റ്റ്‌മെന്റ് മാനേജർ ബജാജ് ഫിൻസെർവ് അസറ്റ് മാനേജ്‌മെന്റ് ലിമിറ്റഡ് (BFAML) ആയിരിക്കും. നിക്ഷേപകർക്ക്, ഇക്വിറ്റി, ഡെറ്റ്, ഹൈബ്രിഡ് ഫണ്ടുകൾ എന്നിവയുൾപ്പെടെ നിരവധി മ്യൂച്വൽ ഫണ്ട് ഉൽപ്പന്നങ്ങൾ ഉടൻ നിക്ഷേപകർക്ക് വാഗ്ദാനം ചെയ്യുമെന്ന് ബജാജ് ഫിൻസെർവ് അറിയിച്ചു. റീട്ടെയിൽ ഉപഭോക്താക്കൾക്ക് സാമ്പത്തിക പരിഹാരങ്ങൾ പൂർത്തിയാക്കാൻ കമ്പനിയെ പ്രാപ്തമാക്കുന്നതിനാൽ സെബിയുടെ അംഗീകാരം കമ്പനിക്ക് തന്ത്രപരമായി പ്രധാനമാണെന്ന് ബജാജ് ഫിൻസെർവ് ചെയർമാനും മാനേജിംഗ് ഡയറക്ടറുമായ സഞ്ജീവ് ബജാജ് പറഞ്ഞു.
ഗണേഷ് മോഹൻ നേതൃത്വം നൽകുന്ന, മ്യൂച്വൽ ഫണ്ട് ബിസിനസ്സ് നിക്ഷേപത്തിനും സുസ്ഥിരവും ദീർഘകാല സമ്പത്ത് സൃഷ്ടിക്കുന്നതിനുമുള്ള ഒരു പുതിയ സമീപനത്തിന് പ്രചോദനമാകുമെന്നും കമ്പനി പറഞ്ഞു. ബജാജ് ഫിൻസെർവ് കമ്പനി, 100 ദശലക്ഷത്തിലധികം ഉപഭോക്താക്കൾക്ക് സമ്പാദ്യം, ധനസഹായം, സംരക്ഷണം, സമ്പത്ത് സൃഷ്ടിക്കൽ എന്നിവ ഉൾപ്പെടെയുള്ള സാമ്പത്തിക പരിഹാരങ്ങൾ നൽകുന്നു. റിസർവ് ബാങ്ക് നിർദ്ദേശത്തിന് കീഴിലുള്ള 2016 ലെ കോർ ഇൻവെസ്റ്റ്‌മെന്റ് കമ്പനികളിൽ രജിസ്റ്റർ ചെയ്യാത്ത കോർ ഇൻവെസ്റ്റ്‌മെന്റ് കമ്പനിയാണ് (CIC) ബജാജ് ഫിൻസെർവ് ലിമിറ്റഡ്.
ഒരു ബാങ്കിന്റെ തന്ത്രവും ഘടനയും ഉള്ള ലിസ്റ്റഡ് നോൺ-ബാങ്കായ ബജാജ് ഫിനാൻസ് ലിമിറ്റഡിൽ ബജാജ് ഫിൻസെർവിന് 52.49 ശതമാനം ഓഹരിയുണ്ട്. ബജാജ് അലയൻസ് ജനറൽ ഇൻഷുറൻസ് കമ്പനി ലിമിറ്റഡിലും ബജാജ് അലയൻസ് ലൈഫ് ഇൻഷുറൻസ് കമ്പനി ലിമിറ്റഡിലും ഇതിന് 74 ശതമാനം വീതം ഓഹരിയുണ്ട്.
മ്യൂച്വൽ ഫണ്ട് ബിസിനസിനിലൂടെ, ബജാജ് ഫിൻസെർവ് ഇപ്പോൾ ഉപഭോക്താക്കൾക്കായി, ആസ്തി ഏറ്റെടുക്കൽ, ധനസഹായത്തിലൂടെ ജീവിതശൈലി മെച്ചപ്പെടുത്തൽ, ഇൻഷുറൻസിലൂടെയുള്ള ആസ്തി സംരക്ഷണം, ലൈഫ്, ഹെൽത്ത് ഇൻഷുറൻസ് മുഖേനയുള്ള കുടുംബ സംരക്ഷണം, ആരോഗ്യ സംരക്ഷണ ആവശ്യങ്ങൾ, സമ്പാദ്യം, നിക്ഷേപം, റിട്ടയർമെന്റ് ഉൽപ്പന്നങ്ങൾ എന്നീ സേവനങ്ങൾ ഉറപ്പു നൽകുന്നു. ബജാജ് ഫിൻസെർവ് മ്യൂച്വൽ ഫണ്ട് റീട്ടെയിൽ വ്യക്തിഗത ക്ലയന്റുകൾക്കും സ്ഥാപന ഉപഭോക്താക്കൾക്കും സേവനം വാഗ്ദാനം ചെയ്യും. പുതിയ നീക്കത്തെ തുടർന്ന് ബജാജ് ഫിൻസെർവിന്റെ ഓഹരികൾ മുൻ ക്ലോസിംഗ് വിലയായ 1,344 രൂപയുമായി താരതമ്യപ്പെടുത്തുമ്പോൾ, ഏകദേശം 2.30 ശതമാനം ഉയർന്ന് 1,375 രൂപയിൽ തുറന്നെങ്കിലും 0-14 ശതമാനം നഷ്ടത്തോടെ 1342 രൂപയിലാണ് ഇന്ന് ക്ലോസ് ചെയ്തത്.
അതേസമയം, പുതിയ ഫണ്ട് ഓഫറുകളുടെ (NFO) എണ്ണം മുൻവർഷത്തെ 140 ൽ നിന്ന് 2022 ൽ 228 ആയി ഉയർന്നു. റിസർവ് ബാങ്ക് ഓഫ് ഇന്ത്യയുടെ നിരക്ക് വർദ്ധനക്കിനിടയിൽ ഫിക്സഡ് മെച്യുരിറ്റി പ്ലാനുകൾക്ക് പ്രത്യേക ശ്രദ്ധ ലഭിച്ചു.
