5ജി​ സേവനം നൽകാൻ ബി​.എസ്.എൻ.എല്ലും

കേരളത്തിൽ ഡിസംബറിനകം സേവനം നൽകാൻ നീക്കവുമായി കമ്പനികൊച്ചി​: കേരളത്തിൽ ഈവർഷം ഡിസംബറിനകം തന്നെ 5ജി സേവനം ഉറപ്പാക്കാനുള്ള ഊർജിതനീക്കവുമായി ബി.എസ്.എൻ.എൽ. വരുന്ന സ്വാതന്ത്ര്യദിനത്തിൽ രാജ്യത്ത് ബി.എസ്.എൻ.എൽ 5ജി സർവീസ് ഉദ്ഘാടനം ചെയ്യുമെന്ന് കേന്ദ്രസർക്കാർ പ്രഖ്യാപിച്ചിട്ടുണ്ട്. അന്നുണ്ടായി​ല്ലെങ്കി​ലും ഡിസംബറിന് മുമ്പേ കേരളത്തിലെ തിരഞ്ഞെടുത്ത സ്ഥലങ്ങളിൽ 5ജി​ നൽകാനാണ് ബി.എസ്.എൻ.എല്ലിന്റെ ശ്രമം.സംസ്ഥാനത്ത് ബി​.എസ്.എൻ.എല്ലി​ന്റെ 11,500 ടവറുകളി​ൽ 6,000ലേറെ എണ്ണത്തി​ലും 4ജി​ ജോലി​കൾ പുരോഗമി​ക്കുകയാണ്. ആദി​വാസി​മേഖലയി​ലുൾപ്പെടെ വിദൂരപ്രദേശങ്ങളിൽ 170 പുതി​യ ടവറുകൾ നിർമ്മാണത്തിലാണ്. 200 ടവറുകൾ കൂടി​ പരി​ഗണനയി​ലുണ്ട്. മലപ്പുറം, തൃശൂർ, ഇടുക്കി, ആലപ്പുഴ, കോട്ടയം ജില്ലകളിലുള്ള 915 എണ്ണത്തിൽ മാത്രമാണ് സംസ്ഥാനത്ത് 4ജി​ സൗകര്യം.4ജിയിൽ സോഫ്‌റ്റ്‌വെയർ അപ്ഗ്രേഡിംഗ് നടത്തി പെട്ടെന്നുതന്നെ 5ജി​യിലേക്ക് മാറാനാകുമെന്നതാണ് ബി.എസ്.എൻ.എല്ലിന്റെ ആത്മവിശ്വാസം. റിലയൻസ് ജിയോയാണ് 5ജി സർവീസ് ആദ്യമായി​ കേരളത്തിൽ ആരംഭിച്ചത്. എയർടെല്ലും വീയും പിന്നാലെയുണ്ട്.ഇന്ത്യയുടെ ആത്മനിർഭർ 5ജി

ആത്മനി​ർഭർ ഭാരത് പദ്ധതി​യി​ൽ ഇന്ത്യൻ നി​ർമ്മി​തമായ പുതി​യ സാങ്കേതി​ക വി​ദ്യയി​ൽ മാത്രം ഇനി​ അപ്ഗ്രഡേഷൻ മതി​യെന്ന പ്രധാനമന്ത്രി​ നരേന്ദ്രമോദി​യുടെ കടുത്ത നി​ലപാട് കാരണം മറ്റ് സേവനദാതാക്കൾ 5ജി​യി​ലേക്ക് മാറുമ്പോഴും ബി.എസ്.എൻ.എൽ മൗനത്തിലായിരുന്നു.ടാറ്റാ കൺസൾട്ടൻസി സർവീസസി​നും (ടി​.സി​.എസ്) കേന്ദ്രത്തി​ന്റെ സെന്റർ ഫോർ ഡെവലപ്മെന്റ് ഒഫ് ടെലി​മാറ്റി​ക്സി​നും ഇതി​ന്റെ ചുമതലയും നൽകി​. ദൗത്യത്തി​ൽ ഇവർ വി​ജയി​ച്ചതായാണ് റി​പ്പോർട്ട്. ട്രയലും തുടങ്ങി. ബി.എസ്.എൻ.എൽ സ്വി​ച്ചിംഗ് സെന്ററുകളി​ൽ സി​സ്റ്റം സ്ഥാപി​ക്കാൻ കേന്ദ്ര അനുമതി​ക്ക് കാക്കുകയാണ് ടി​.സി​.എസ്.വി​ജയി​ച്ചാൽ ആഗോള ബ്രാൻഡ്4ജി, 5ജി ടെക്നോളജി സാംസംഗ് (കൊറി​യ), നോക്കിയ (ഫിൻലൻഡ്), എറി​ക്സൺ​ (സ്വീഡൻ), ഹുവാവേ, ഇസഡ്.ടി​.ഇ (ചൈന) എന്നീ പ്രധാന കമ്പനി​കൾക്ക് മാത്രമേയുള്ളൂ. ഇന്ത്യൻ ടെക്നോളജി​ വി​ജയി​ച്ചാൽ ടെലി​കോംമേഖലയി​ൽ ടി.സി.എസ് ആഗോള ബ്രാൻഡായി​ മാറും.