ന്യൂ യോർക്ക്: ന്യൂയോർക്കിൽ ഭീകരാക്രമണം നടത്താൻ പദ്ധതിയിട്ടതിന് പാകിസ്ഥാൻ പൗരനെ കാനഡയിൽ അറസ്റ്റ് ചെയ്തു.
യു.എസ്. ഡിപ്പാർട്ട്‌മെൻ്റ് ഓഫ് ജസ്റ്റിസ് വെളിപ്പെടുത്തിയത് പ്രകാരം, ഷസേബ് ജാദൂൻ എന്നറിയപ്പെടുന്ന മുഹമ്മദ് ഷാസെബ് ഖാൻ, 20, കാനഡയിൽ താമസിച്ചു, ബ്രൂക്ലിനിലെ ജൂത കേന്ദ്രത്തിൽ കൂട്ട വെടിവയ്പ്പ് നടത്താനായി യുഎസിലേക്ക് കടക്കാൻ ശ്രമിച്ചു.
ഖാനെ കനേഡിയൻ പോലീസ് ക്യൂബെക്കിലെ അതിർത്തിക്ക് സമീപം സെപ്റ്റംബർ 4-ന് അറസ്റ്റ് ചെയ്തതായി യുഎസ് അധികൃതർ പറഞ്ഞു.
ഈ വർഷം ഒക്‌ടോബർ ഏഴിന് ന്യൂയോർക്ക് സിറ്റിയിൽ ഭീകരാക്രമണം നടത്താൻ പ്രതി ആസൂത്രണം ചെയ്തതായി ആരോപിക്കപ്പെടുന്നു, ഐസിസിന്റെ പേരിൽ കഴിയുന്നത്ര ജൂതന്മാരെ കൊന്നൊടുക്കുക എന്ന ലക്ഷ്യത്തോടെ ആയിരുന്നു എന്ന്, യുഎസ് അറ്റോർണി ജനറൽ മെറിക് ബി ഗാർലൻഡ് വെള്ളിയാഴ്ച നടത്തിയ പത്രക്കുറിപ്പിൽ പറഞ്ഞു.
വിദേശ തീവ്രവാദ സംഘടനയ്ക്ക് പിന്തുണയും സഹായവും നൽകാൻ ശ്രമിച്ചുവെന്ന കുറ്റമാണ് ഖാനെതിരേ ചുമത്തിയിരിക്കുന്നത്. കുറ്റം തെളിഞ്ഞാൽ 20 വർഷം വരെ തടവ് അനുഭവിക്കേണ്ടിവരും.
