ഹൂസ്റ്റൺ: ടീം കിരികിരിപ്പുകളുടെ ബാനറിൽ സോഷ്യൽ മീഡിയ കൺടന്റ് ക്രിയെറ്റർ ആയ അജോ സാമുവേൽ തിരക്കഥയും സംവിധാനവും നിർവഹിച്ച സിറ്റകോം ഷോർട് മൂവി "മലയാളി ഫ്രം അമേരിക്ക" ടീം കിരികിരിപ്പുകൾ യൂട്യൂബ് ചാനലിൽ റിലീസ് ചെയ്തു.
അമേരിക്കയിൽ ഡാളസ് നഗരത്തിൽ ആണ് ചിത്രികരണം പൂർത്തിയായതു, അക്കരകാഴ്ച്ചകളിലൂടെ മലയാളികൾക്ക് സുപരിചിതനായ ജോസുകുട്ടി വലിയകല്ലുങ്കൽ ആണ് പ്രധാന കഥാപാത്രത്തെ അവതരിപ്പിച്ചിരിക്കുന്നത്. അമേരിക്ക യിലെ പ്രമുഖ റേഡിയോ ചാനൽ ആയ മല്ലു കഫെയുടെ (മീഡിയ പാർട്ണർ) സി.ഇ.ഓ യും റേഡിയോ ജോക്കിയുമായ ഷിബി റോയ്, മനോജ് പിള്ളൈ മെൽവിൻ സജീവ്, അരുൺ കൃഷ്ണൻ, അലീന, അജോ സാമുവേൽ, ടോം ജോസഫ് എന്നിവരാണ് മറ്റു കഥാപാത്രങ്ങളെ അവതരിപ്പിച്ചിരിക്കുന്നത്.
ഈ ഹ്വസ ചിത്രത്തിന്റെ ക്യാമറയും എഡിറ്റിങ്ങും കൈകാര്യം ചെയ്തിരിക്കുന്നത് അനീഷ് ജേക്കബ് ആണ്. ഇതിന്റെ നിർമാണത്തിന്റെ ഭാഗമായിരിക്കുന്നത് ഷിജു എബ്രഹാം, ഫിനാൻഷ്യൽ സർവീസസ് ഗ്രാൻഡ് ലിക്യുർ ഗ്രൂപ്പ്, ദീപക് ബെന്നി തുടങ്ങിയവരാണ്.
വളരെ ഹാർഡ് വർക്കിംഗ് ആൻഡ് ഡെഡിക്കേറ്റഡ് ആയ ഒരു ടീമിനൊപ്പം ഒരു മുഴുവൻ ദിവസത്തെയും എക്സ്പീരിയൻസ് വളരെ സന്തോഷകരമായിരുന്നു എന്നാണ് തൻറെ എക്സ്പീരിയൻസിനെ പറ്റി നേഴ്സ് ആയി അഭിനയിച്ച ആർ ജെ ഷിബി അഭിപ്രായം പങ്കുവെച്ചത്. നാട്ടിലും ഇവിടെയും ഉള്ള ഒരുപാട് മീഡിയ ആൻഡ് മൂവി രംഗത്തുള്ള ആൾക്കാർ ഷോർട്ട് ഫിലിം കണ്ടു വിളിക്കുകയും നല്ല അഭിപ്രായങ്ങളും ആശംസകളും അറിയിക്കുകയും ചെയ്തിട്ടുണ്ട് എന്നും ഷിബി പറയുകയുണ്ടായി.
https://youtu.be/4WPFonvK2C8?si=Q9-jjiriK0v91OqQ
