കഥായാനം : അജിത് കണ്ടല്ലൂരിൻറെയും ഹുസ്ന റാഫിയുടേയും കൃതികൾ ചർച്ച ചെയ്തു.

ഷാർജ : പ്രവാസി ബുക്സിൻറെ ആഭിമുഖ്യത്തിൽ കഥായാനം : കഥവഴിയിലൂടെ ഒരു യാത്ര പരിപാടി സംഘടിപ്പിച്ചു. അജിത് കണ്ടല്ലൂരിൻറെ ഇസബെല്ല, ഹുസ്ന റാഫിയുടെ വാർസ് ഓഫ് ദി റോസസ് എന്നീ പുസ്തകങ്ങൾ കഥായാനത്തിൽ ചർച്ച ചെയ്തു.ഷാർജ ഇന്ത്യൻ അസോസിയേഷൻ ട്രഷറർ ഷാജി ജോൺ ഉത്ഘാടനം ചെയ്ത ചടങ്ങിൽ വെള്ളിയോടൻ മോഡറേറ്ററായിരുന്നു.ഇ.കെ ദിനേശൻ ഇസബെല്ലയും ദീപ ചിറയിൽ വാർസ് ഓഫ് ദി റോസസും അവതരിപ്പിച്ചു. ഇസബെല്ലയുടെ രണ്ടാം പതിപ്പിൻറെ കവർ പ്രകാശനം ആർടിസ്റ്റ് നിസാർ ഇബ്രാഹിം റെജി സാമുവലിന് നൽകിക്കൊണ്ട് നിർവ്വഹിച്ചു. ഷാർജ ഇന്ത്യൻ അസോസിയേഷൻ ഹാളിൽ വെച്ച് നടന്ന ചടങ്ങിൽ പ്രവീൺ പാലക്കീൽ സ്വാഗതവും രമേശ് പെരുമ്പിലാവ് നന്ദിയും പറഞ്ഞു.
ഇസ്മായിൽ മേലടി, ലേഖ ജസ്റ്റിൻ,അനൂജ സനൂബ്, കെ.ഗോപിനാഥ്, അജിത് വള്ളോലി, ധന്യ അജിത് എന്നിവർ കഥകളെ അവലോകനം നടത്തി സംസാരിച്ചു. അജിത് കണ്ടല്ലൂർ, ഹുസ്ന റാഫി എന്നിവർ മറുപടി പ്രസംഗം നടത്തി.