ദോഹ: ഖത്തർ ദേശീയ കായിക ദിനത്തോട് അനുബന്ധിച്ച്‌ അക്‌സ (അസോസിയേഷൻ ഓഫ് ഖത്തർ സ്പോർട്സ് ആൻഡ് ആർട്സ്) ഷട്ടിൽ ടൂർണമെന്റും വനിതകൾക്കും കുട്ടികൾക്കും വിവിധ മത്സരങ്ങളും സംഘടിപ്പിച്ചു. ആഷിക് അഹമ്മദ് ടൂർണമെന്റ് ഉദ്ഘാടനം നിർവഹിച്ചു.
റാഷിദ് ഇ.ടി അധ്യക്ഷതവഹിച്ചു. ശരീഫ് മേമുണ്ട മുഖ്യപ്രഭാഷണം നടത്തി. ആശംസകൾ നേർന്ന് രാമത് കുഞ്ഞമ്മദ്, സമീർ കുട്ടോത്ത്, റഫീഖ് കോടേരി, ഹഖീം കെ.ഇ, നബീൽ എസ്.ഡി, ഫസൽ നദീറ മൻസിൽ, അബൂബക്കർ പാറമ്മൽ, നിസാർ വരപ്പുറത്ത്, ഹാരിസ് കിണ്ടിയിൽ എന്നിവർ സംസാരിച്ചു. വിജയികൾക്ക് അത്തീഖ് റഹ്മാൻ, ശബീർ മേമുണ്ട, മച്ചിൽ മൂസ്സ, കെ.എം. മുഹമ്മദ് എന്നിവർ ട്രോഫി സമ്മാനിച്ചു. അൻവർ കെ.എം സ്വാഗതവും നൗഷാദ് കെ.ടി.കെ നന്ദിയും പറഞ്ഞു
